2015:

Praxis Dr. Freesemann

 

2014:

Mien Mann dei föhrt tau See

 

2013:

Titel fehlt leider

 

1996

So keem et, dat de Heimatverein Goldenstedt us ut seine Upsicht
entleed, un wi us in Januar 1996 selbstännig moakt hebbt.
Sietdem heet
de Verein:
Theatergruppe Goldenstedt e.V.
An disse Stäe wüllt wi us bie den Heimatverein
Goldenstedt nochmal van
Haarten darvör bedanken, dat se us in use
»Kinnerdoage« so good hulpen
hebbt. Mit »Mooder kriggt Zwangsurlaub« un woller
veel Tokieker’s güng
dat denn wieter. Usen Erfolg willt‘ wi over nich ganz for us beholln,
un so heff wie in de letzten Joahren immer woller
gemeinnützige
Vereine, Schulen, Kinnergärtens und Feuerwehren mit Geld
wieterhulpen.
So schall dat oak in Tokunft bliewen, denn wi späält
nich for us, wi
späält för de Lüe in un um
Goldenstedt,
Wat wöarn wie Speelers ohne use Partners, de us in alle Loagen
van son
Theoaterstück ünnerstützen doaht. Se loot us
nich blots noa de Proben
un
Upführungen loapen, nee – se höolpt us, wo se man
blots köönt.
Dorför wüll’t wi us hier van Haarten bedanken.
Ok de Arbeet van use Maskenbüldner Antje Gade, Roberta
Kühling und
Annegret
Lüske is een riesengrooten Dank wert.
Bedanken will’t wi us oaber ook bi alle Lüe, de us in de
letzten thein
Joahr mit
Sachspenden, Tuch, Geldspenden usw. wieterhulpen hebbt; un wi hofft,
dat wi jo
oak de nächsten thein Jouhr mit’n gooed Theoaterstück
ünnerholln köönt.

1995

Dör de groote, böge Bühne bi Klostermann
kunnen wie 1995 »Appelboom
in’t Paradies« speeln. Wi harrn ’nen ganzen oolen Appelboom,
un een
tweistöckig Huus upe Bühne stoahn.
Over nich nur de Erfolge wudden grötter, ok de Vorbereitung
und
Organisation möck jümmer mehr Arbeit und verlangde
immer mehr
Freiheiten.

1994

Änner Joahr schulde woller speelt weern. Nu hett Grimm kiene
eegene
Bühne, so dat wie dauernd up- un affbauen mössen, wat
masse Tied
bräuvwde.
Dor Tofall keemen wie mit Hannes Klostermann over dit Thema an’t
snacken. He wieste us sien ollet Kino un sä; »Wenn
ji hier späln willt,
könt ji dat doon. Uprühmen un renovieren möt
ji sülvst. Ansonsten könnt
ji doon un loaten wat ji wüllt; over loat mi de Bude
stoahn!« So wudd
use nächste Stück »Petrus gifft
Urlaub« in Klostermanns Kinosaal
speelt. Ok alle ännern Stücke sind hier
upführt worn, denn wie hebbt
bie Klostermann use Heimat funnen. Von dor an güng de Weg noa
boaben.
De Speelers wudden mehr und immer beeter, de Kulissen dör de
Ideen van
Berthold Wilkens und Heini Benedde immer upwenniger un immer perfekter,
de Tokiekers und de Zoahl vunne Upführungen immer mehr, und de
Innoahmen immer höger.
Mössen wie us inne eesten Joahren de Kulissenwände
utlehnen, so kunnen
wi us nu sülvest wecke bauen. Ok manchet Deel vor de Technik
(Scheinwerfer, Lautsprecher, Nebelmaschin usw.) kunnen köfft
weern.

1993

De Anfang weer moakt, de Speelers und Heinz Battermann verdreegen sick
ganz good mit’nanner, man wull tohoape bliewen und jedes Joahr in’n
November mit de Proben for een plattdütschkes
Theoaterstück anfangen.
In März schulde den de Upführung ween. Dat
nächste Stück wör »Dat
Glück
kummt mit de Post« und wudd bi Grimm in’n Soal
upführt. Dat Publikum
keem zahlreicher as biet eerste Stück und güng noah
de Vorstellung
tofräe noa Huus hen. Dat use Spill good
wöär, kunnen wie doran seen,
dat wie noch eene Vorstellung anhangen mössen, um de
Lüe
ünnertobringen. To’n Schluß worn all
tofräe: Dat Publikum, de Wirt, de
Verein und ok de Speelers.

1991 – 1992

Man kann dat goar nich glöwen, dat dat nu all thein Joahr her
is, als Heinz Battermann dör Goldenste lööp
und Lue toun Theoaterspeelen seuchte. He wör doamoals
Theoaterobmann von den Heimatverein Goldenstedt und de neie
Theoatergruppe schulde bi de Ferienspaßaktion von’ne Gemeinde
mitmoaken. Een Stück haar Heinz ok all utseucht. So at jede
Weeke mit’n Moandagmorgen anfangt, so schulde de neie Theoatergruppe
mit dat Stück »Moandagmorgen« van Fr.
Lange ehr Speel beginnen.
Mit Agnes Almes, Heinrich Lask, Maria Gelhaus, Heinrich Benedde, Elke
Timmen und Karsten Dörfer wör’n denn ok de Speelers
for »Moandagmorgen « funnen. Mit Heinz
wör’n dat seeben Lüe, un de harn ok blots seeben
Weeken Tied to’n vorbereiten. Sonst harn se nich ganz väel:
kaum Erfahrung, kiene Kulissen, kienen »Fundus« und
ok kien Geld. Oaver se wulln wat vernünftiget up de
Bühne bringen.
Kulissenwände kunnen de Speelers sick in Düngstrup
utlehnen, Tuch möß sick jedereen sülvest
sööken. Dat meerste Tuch keem denn ok ut Oma’s or
Opa’s Kleerschap. In eene »Nachtschicht« wudden de
Kulissen dekoriert und twischkendör wudd utwennig leert.
Sönndag, den 06. Juli 1991 wör dat denn sowiet: An
Badesee inne Freilichtbühne wudd
»Moandagmorgen« oabends half fieve, bi 38°
in Schatten upführt. Bi de Hidde wör dat Speel’n
förwiß kien Vergnögen. Trotzdem
wör dat Publikum tofräe.
In September speelde de Theoatergruppe noch eenmal inne Mehrzweckhalle
un in Tenniscenter in Ellenstedt. Ok in Goldenstädt in
Mecklenburg sin wi mit »Moandagmorgen« ween.